|
Spektri.info
|
Ne jemi Ju përkujdeset për pastrimin e bibliotekës
Të gjithë ne kritikojmë institucionet përgjegjëse kur degradohet, dhunohet dhe nuk mirëmbahet prona publike apo prona të cilën shteti e ka ndërtuar nga taksat tona. Përveç se lëvizim gojën për të bërë kritika ne nuk lëvizim trupin për të vepruar dhe mendjen për të menduar se ne jemi ato që duhet të mirëmbajmë pronën tonë.
Përderisa ata nuk ndërtojnë objekte të reja, ne nuk duhet që ato ekzistueset ti degradojmë apo ti demolojmë. Pikërisht biblioteka e qytetit të Tetovës ka qene e demoluar nga brenda si pasojë e mos kujdesit nga institucionet përgjegjëse dhe e shkruar dhe shkarravitur nga jashtë nga qytetarë të pa përgjegjshëm.
Nga kjo, Ne jemi Ju mbrëmë është përkujdesur që të pastroj bibliotekën e qytetit të Tetovës, Koço Racin. Duke u nisur nga slogani jonë i veprimit ‘’Ne nuk themi hajt se kalon, por Ju ndihmojmë juve të dilni nga stadi i mendimit në stadin e veprimit’’ me ndihmën e vullnetarëve ne e pastruam këtë tempull diturie që duhet të jetë epiqendra e të rinjëve, të këtij qyteti me 7 shkolla të mesme dhe dy Universitete. Neve nuk na u desh as projekt, as tender, as shirit dhe gërshërë e as aprovim të dikujt por na u desh vetëm fuqia e vullnetit të mirë. Disa telefonata për ti informuar vullnetarët dhe të gjithë ndamë nga një shumë simbolike nga xhepat tonë, kursime këto që na japin prindërit për shkollim, e ne blejtëm mjete për pastrim dhe harxhuam dy orë për ta pastruar bibliotekën. Kaq duheshte, dhe tani biblioteka është e pastruar.
Aktiviteti jonë nuk pushon. Ne do të prekim të gjithë pikat që sëbashku i bëjmë dhe na pengonjë në zhvillim. Ju duhet të na ndihmoni, ju duhet të na ndjekni, ju duhet të na përmbani se ne për ju angazhohemi. Ne jemi shoqëria juaj, ne jemi të afërmit tuaj. Neve na gjeni në shpirtin dhe zemrat tuaja. Ne ndajmë një brengë, shoqëria dhe rinia jonë izolohet në vete. Ne jemi në kërkim të përmirësimit.
Na ndiqni http://www.facebook.com/
Subscribe to:
Posts (Atom)
